2011 | 3 september - Groote Keizesjreünie | 4 september - Alternatief Vogelsjeite

Veur de tweede keer in ôs besjtaon höbbe veer, de Auw Prinse van Zitterd, de eer 't tradisjioneele Keizesjfees te maage organiseiere. Op zaoterdig 3 september 2011, 't daags veur 't Alternatief Vogelsjeite, wille veer Keizer Joep (VIII 1993) Wijnands ein feestelik besjloet van zien keizessjap gaeve. Dat geit gebeure ònger den tittel Eesjte Groote Zittesje Keizesjreünie! Geer zeet alleneij van harte geneud dat fees saame mit ôs te kòmme viere.

Program

Om 20:00 oere sjtarte veer mit de offisjeel resepse. Aansjloetend òm 21:00 oere sjtarte veer mit de Eesjte Groote Zittesje Keizesjreünie, wobiej versjillende internasjionaal bekende keizesj hun opwachting maake en zich zulle veursjtelle aan de luuj van Zitterd. Es verrassjing numme zie hunne eige meis favoriete artis mit. Nao aafloup van dit òngetwiefeld indrökwekkende geduins kenne veer èns richtig sjräöme oppe meziek van de bekende Big Bend Beeg oet buurt Beich.

Veer höbbe dits keer gein oetgebreid sjöttemaol. Dae hònger krig kent zich veur eine bòn ein Kaiserbreudje mit zoermous en woosj aete.

Lokaase

't Keizesjfees zal dit jaor weier waere gehauwte in de groote Sjpeigeltent oppe Cour Solanus, gelaege achter de Patesjkirk en naeve de Jardin d'Isabelle. Aanvank 20.00 oere. Vrieje entree veur jederein. Veer verzuike uch oppe tied - veur 21.00 oere - aanwezig te zeen, zodat ôs artiste de aandach kenne kriege dae zie verdeine.